शालार्थ घोटाळा प्रकरणी विशेष चौकशी पथक (S.I.T.) स्थापन | २०१२ ते आजतागायत प्रकरणांची चौकशी होणार | तीन महिन्यांच्या आत अहवाल शासनास सादर होणार.

शालार्थ घोटाळा प्रकरणी एसआयटी स्थापन

राज्यातील अपात्र शिक्षक-शिक्षकेत्तर कर्मचाऱ्यांची नावे शालार्थ प्रणालीमध्ये नियमबाह्यरित्या समाविष्ट करून वेतन अदा केल्यासंदर्भात विशेष चौकशी पथक (S.I.T.) मार्फत चौकशी करण्याबाबत.

शालेय शिक्षण व क्रिडा विभाग शासन निर्णय दि.07/08/2025

राज्यातील अपात्र शिक्षक-शिक्षकेत्तर कर्मचाऱ्यांची नावे शालार्थ प्रणालीमध्ये नियमबाह्यरित्या समाविष्ट करून वेतन अदा केल्यासंदर्भात पुढीलप्रमाणे विशेष चौकशी पथक (S.I.T.) स्थापन करण्यात येत आहे.

१) श्री. चंद्रकांत पुलकुंडवार, विभागीय आयुक्त, पुणे (I.A.S.)- पथक प्रमुख

२) श्री. मनोज शर्मा, पोलिस महानिरीक्षक, कायदा व सुव्यवस्था, महाराष्ट्र राज्य (I.P.S.)- सदस्य

३) श्री. हारुन आतार, सह संचालक (प्रशासन, अंदाज व नियोजन), शिक्षण आयुक्तालय यांचे कार्यालय, महाराष्ट्र राज्य, पुणे- सदस्य सचिव

२. विशेष चौकशी पथकाची कार्यकक्षा खालीलप्रमाणे असेल :- 

                        राज्यातील सर्व विभागीय शिक्षण उपसंचालक कार्यालयांतर्गत अनुदानित आणि अंशतः अनुदानित प्राथमिक/माध्यमिक/उच्च माध्यमिक शाळांमधील शिक्षक/शिक्षकेत्तर कर्मचा-यांच्या वैयक्तिक मान्यता / शालार्थ मान्यता/सेवासातत्य/विना अनुदानीत वरुन अनुदानित पदावर केलेली बदली यांची तपासणी करणे व त्याबाबतचा अहवाल शासनास सादर करणे.

📍शिक्षक/शिक्षकेत्तर कर्मचा-यांच्या देण्यात येणा-या विविध मान्यतांच्या संदर्भात उदा. वैयक्तिक मान्यता / शालार्थ मान्यता इत्यादिच्या अनुषंगाने प्रचलित व्यवस्थेमध्ये असलेल्या कमतरता शोधून त्यानुषंगाने कराव्याच्या बदलाबाबत सुधारणा सुचविणे.

📍विशेष चौकशी पथकाने उपरोक्त कार्यकक्षेमधील नमुद प्रकरणी सन २०१२ ते आजतागायत प्रकरणांची चौकशी / तपास करावा.

📍विशेष चौकशी पथकाने आपला अहवाल चौकशी पथक गठित झाल्याच्या दिनांकापासून तीन महिन्यांच्या आत शासनास सादर करावा.

📍सदर चौकशी कालावधीमध्ये विशेष चौकशी पथकाकडुन केलेल्या मागणीनुसार मनुष्यबळ व तांत्रिक सहाय्य आयुक्त (शिक्षण), पुणे कार्यालयाद्वारे पुरविण्यात यावे.

वरील शासन निर्णय डाऊनलोड करण्यासाठी.